Home / کوردستان / به‌ڕێوه‌به‌ری کەناڵی ئێن ئاڕ تی نهێنی ترسناکی شاسوار عەبدول واحید ئاشکرادەکا

به‌ڕێوه‌به‌ری کەناڵی ئێن ئاڕ تی نهێنی ترسناکی شاسوار عەبدول واحید ئاشکرادەکا

به‌ڕێوه‌به‌ری کەناڵی ئێن ئاڕ تی نهێنی ترسناکی شاسوار عەبدول واحید ئاشکرادەکا

ئه‌ندامی ئه‌نجومه‌نی به‌ڕێوه‌بردن و به‌ڕێوه‌به‌ری دیجیتاڵ میدیای ئێن ئاڕ تی، لە پۆستێکدا شاسوار عەبدولواحید بە خیانەتکار و بێوەفا ناودەبات وبە بێ ئاگاداری خۆیی و به‌ فه‌رمانی شاسوار و له‌لایه‌ن مه‌م بورهان قانع به‌ڕێوه‌به‌ری ئێن ئاڕ تی به‌ ناوی ئەوەوە ئیستیقاله‌یان نوسیوه‌‌و ئیمزایان کردووە.

دەقی بلاوکراوەکە

سڵاو هاوڕێێان

هه‌موو لایه‌ک و ڕێکخراو و سه‌ندیکاکانی ڕۆژنامه‌نووسان و سه‌نته‌ری میترۆ بۆ داکۆکی له‌ مافی ڕۆژنامه‌نوسان ئاگادار ده‌که‌مه‌وه‌، من وه‌ک ئه‌ندامی ئه‌نجومه‌نی به‌ڕێوه‌بردن و به‌ڕێوه‌به‌ری دیجیتاڵ میدیای ئێن ئاڕ تی، به‌ هیچ شێوه‌یه‌ک ئیستیقاله‌م له‌ که‌ناڵی ئێن ئاڕ تی نه‌کردووه‌و به‌ هۆی که‌وتنم و ئازاری ئه‌ژنۆمه‌وه‌ تا دووشه‌ممه‌ی داهاتوو مۆڵه‌ت بووم ، به‌ڵام ته‌نها له‌به‌ر ئه‌وه‌ی وازم له‌ نه‌وه‌ی نوێ هێناوه‌ و باسی خیانه‌ت و بێ وه‌فایی شاسوار عه‌بدولواحیدم کردووه‌ که‌ به‌رامبه‌ر خۆم و هاوڕێیانم کردوویه‌تی، به‌ فه‌رمانی شاسوار و له‌لایه‌ن مه‌م بورهان قانع به‌ڕێوه‌به‌ری ئێن ئاڕ تی به‌ ناوی منه‌وه‌ ئیستیقاله‌یان نوسیوه‌‌و ئیمزایان کردووه‌.

ئه‌م کاره‌ش دووره‌ له‌ هه‌موو بنه‌مایه‌کی ئه‌خلاقیه‌وه‌ و سه‌لمێنه‌ری ئه‌وه‌شه‌ که‌ له‌ ئێستادا که‌ناڵی ئێن ئاڕ تی میدیای فه‌ڕمی نه‌وه‌ی نوێ و زمانحاڵی شاسوار عه‌بدولواحیده‌ ، چونکه‌ به‌ هیچ شێوه‌یه‌ک ئاگاداری ئستیقاله‌ی خۆم نیم و به‌ناوی منه‌وه‌ نوسراوه‌و ئیمزا کراوه‌ له‌کاتێکدا من به‌ فه‌ڕمی مۆڵه‌تی نه‌خۆشیم تا دووشه‌ممه‌ی داهاتوو هه‌بووه‌، ئه‌وه‌ش نیشانه‌ی ئه‌وه‌یه‌ بێلایه‌نی و هاوسه‌‌نگی و ڕاستگۆیی تێدا نه‌ماوه‌و هه‌موو ئه‌و دروشمانه‌ له‌ ئێستادا دوورن له‌ ڕاستیه‌وه‌.

وه‌ جێی سه‌رسوڕمانه‌ که‌ به‌ڕیوه‌به‌ری ئێن ئاڕ تی خاوه‌نی چه‌ندین کتێب و سیمیناره‌ له‌ سه‌ر ئه‌خلاق و پیشه‌یی بوونی کاری ڕۆژنامه‌وانی، دوور له‌هه‌موو پرنسیپێک و باوه‌ڕبوون به‌ نوسینه‌کانی خۆیشی، ئه‌و هه‌موو پێشێلکاری و سوکایه‌تییه‌ به‌ هاوکار و هاڕێکانی قبوڵ ده‌کات و فزه‌ی لێوه‌ نایه‌ت.

هه‌موولایه‌ک دڵنیا ده‌‌که‌مه‌وه‌ له‌م یه‌ک دوو ڕۆژه‌دا هه‌موو ئه‌وه‌تان بۆ ڕوون ده‌که‌مه‌وه‌ که‌ له‌ ئێستادا که‌ناڵی ئێن ئاڕ تی زمانحاڵ و میدیای فه‌ڕمی نه‌وه‌ی نوێ و شاسوار عه‌بدولواحیده‌و جگه‌ له‌وه‌ش هه‌ڵوێستی گرنگ و توندترم ده‌بێت.

سوهه‌یب شێخ ئه‌حمه‌د کاکه‌ مه‌حمود

ڕۆژنامه‌نووس

تکایە بیرت نەچێ لایکی پەیجی کورددۆست بکە

کۆمێنت

error: Content is protected !!